Peru President hlui an ram chhuahsan khap

Peru Prseient hlui Pedro Pablo Kuczynski chu thla 18 chhung atan an ram chhuahsan khapsak a ni.

Kar kalta Inrinni khan Judge Juan Carlos Sanchez chuan President hlui Kuczynski hi Brazilian construction company Odebrecht hnen aṭanga thamna sum laa puh a nih chungchanga chhui mek a nih thu sawiin, an ram chhuahsan khapsak a nih thu hi a sawi a ni.

Inrinni vek han investigator-te chuan Lima leh Cieneguilla-a Kuczynski-a in pawh an dapsak bawk.

Kum 79 mi, Kuczynski hi Peru Congress-in President hna chelh chhunzawm zel turin a tling lo nia sawiin, paihthlak a nih theihna tura vote an lak thawh hnihna neih hma, kar kalte Nilaini khan a bang a ni. President thar atan Vice President Martin Vizcarra chu lakluh a ni tawh bawk.

Kum 2000 kumtir lam khan Kuczynski hian minister a nih laiin, US-a a consulting fim Westfielf Capita chuan Odebrecht aṭangin thamna US dollar maktaduai 4.7 a dawng nia sawi a ni. Odebretch hotu hlui, Jorge Barata pawhin kum 2016 khan presidential campaign neihna turah Kuczynski tan hian dollar nuai hnih a pe niin a sawi bawk. Mahse an puhna hi thu dik lo niin Kuczynski chuan a sawi a, engmah hlauhthawn tur a nei lo tih sawiin thuneitute pawh ṭha taka a thawhpui tur thu a sawi.