ASEAN palai leh Myamnar sipai sorkar inbia

Association of Southeast Asian Nations (ASEAN)-in Myanmar special envoy atana a ruat, Brunei second foreign affairs minister Erywan Yysof chuan Mynmar rama a zin theihna tur leh, hruaitu paihthlak tak Aung San Suu Kyi hmuh theih dan tur chungchangah Myanmar sipai sorkar nen an inbe mek tih a sawi.

Erywan Yusof chuan thla liam ta aṭang khan Myanmar ram zinna tur hi a buaipui tawh a, "Myanmar rama kal thuai hi a ṭul a ni. Mahse chumi hma chuan sipaite lam aṭangin min tiamkamna ka neih phawt a ngai. Ka tih an phalsak tur chinte ka hriat chian phawt a ngai a ni," a ti. October thlaa ASEAN hruaitute inhmuhkhawm leh hma ngeia tlawh hman a duh thu a sawi bawk.

Myanmar a kal hunah Suu Kyi hmuh phalsak tur hian sipai hotu lu ber, General Min Aung Hlaing kaihhruai State Administrative Council hnenah pawh ngenna a siam tawh thu leh, a ngenna hi pawmsak a la nih loh thu a sawi. Mahse an inbe mek a, hma pawh an sawn zel niin a sawi. "Myanmar ka kal hunah party hrang hrang aiawhte ka biak ngei a ṭul thu pawh ka sawi a, hemi chungchang hi ngaihtuah mek a la ni," a ti.