European Union (EU)
European Union hi Europe ram 27-te tel mekna, international organisation niin Indopui pahnihna zawh hlima (1950 chhoa) din a ni. Member ramte economic, political, social leh security policy-ahte ang khatin rorelna a kalpui a, a tum ber chu European citizenship siam a, an ram huam chhunga kawng hrang hranga hmasawnna thlen leh khawvel huapa Europe dinhmun pawimawha dah a ni. Europe-a democracy ram tawh phawt chuan member nih an dil thei a, mahse human rights record ṭha leh economic policy ṭha an nei tur a ni.
Kum 1957 khan Germany, France, Italy, Belgium, Luxembourg, leh The Netherlands ramte chu batch hmasa ber ni tura lakluh an ni. Kum 1973 khan Denmark, Ireland, leh the United Kingdom chuan an zawm ve leh a, Grecce chuan 1981 khan zawm ve lehin, 1986 khan Spain leh Portugal chuan an zawm ve leh a ni. Austria, Finland leh Sweden ramte chuan 1995 khan an zawm leh bawk. Kum 2004-ah ram pakua chuan an zawm leh a, kum 2007 khan ram pahnihin an zawm belh leh bawk a ni. Kum 2013 khan member 28-na ni turin Croatia chu lakluh an ni. Mahse, June 23, 2016 khan United Kingdom chuan EU chhuahsan an duh tih tarlangin, January 31, 2020 khan an inhnukdawk fel a ni.
# EU rama mipui cheng zat belhkhawm hi maktaduai 447 chuang an ni a, khawvel mipui zat aṭanga 5.8% an ni. Kum 2021 khan gross domestic product (GDP) USD 17.1 trillion an nei bawk. United Nations Development Programme tarlan danin EU ramte hian Human Development Index sang tak an nei a ni.
# EU ram zau zawng hi square km 4,233,255.3 a ni.
# EU ram zingah hian an ramchhung pawisa atana Euro pawmtu ram 19 an awm.
# Schengen Area huamchhungah EU ram 27 zinga 22 an awm a, heng ramte hi zalen takin an intlawhpawh thei a ni. EU ram ni lo - Iceland, Norway, Switzerland, leh Liechtenstein te pawh a huam tel a ni.
# European Union khawpui atan Brussels, Belgium hman a ni.
# European Union sumdawnpui ber, trading partner chu United States a ni.
Timeline :
1957 - European Economic Community (EEC) din a ni. Member ramte chu Belgium, France, Italy, Luxembourg, the Netherlands leh West Germany-te an ni. Sumdawnna inkara harsatna awm ṭhin sukianga common market siam turin hma an la.
1973 - Denmark, Ireland leh the United Kingdom chuan an zawm.
1981 - Greece chu member a ni.
1985 - Spain leh Portugal lakluh an ni.
June 14, 1958 - Member 10 aṭangin ram pangate chuan Schengen Agreement an ziak a, he inremna hmang ramria khuahkhirhna siamte tihtawp a ni.
February 7,1992 - European Union Treaty chu Maastricht (Netherlands)-ah member ram hruaituten an ziak.
November 1, 1993 - Maastricht Treaty hman ṭan a ni.
1993 - A hun laia EEC member (Belgium, France, Germany, Italy, Greece, Spain, UK, Luxembourg, the Netherlands, Denmark, Ireland leh Portugal)-te chuan justice, home affairs, common foreign leh security policy atan thawhhona an siam a ni.
January 1, 1995 - Austria, Finland leh Sweden-ten European Union an zawm.
April 30, 2004 - Dublin, Ireland ceremony-ah EU ram 15 ni mek chu ram 25-ah tihpun an rel. Hemi rual hian ram 10 lakluh an ni a, chung ramte chu - Poland, Czech Republic, Slovakia, Cyprus, Estonia, Hungary, Latvia, Lithuania, Malta leh Slovenia-te an ni.
June 2004 - Member ramte chuan EU Constitution text an pawm. October 2004 khan member ten an sign a ni.
May 29, 2005 - France ram mipui (territory tiamin) EU constitution chungchangah vote an thlak a, a duh lo lam an chak.
June 1, 2005 - Netherlands mipui ngaihdan lakah pawh constitution duh loh lamah vote a tla tam zawk.
June 23, 2007 - French leh Dutch-ten EU constitution an lo hnawl tawh avangin Brussels-ah EU hruaitute chuan EU constitution thlakna tur rawtna an thlen.
June 19, 2008 - European Union chuan Cuba an hrekna an hlip.
November 19, 2009 - Treaty of Lisbon hnuaiah Belgian prime minister, Herman Van Rompuy chu European Council president hmasa ber atana thlan a ni. United Kingdom-mi Catherine Ashton chu foreign minister hmasaber a ni bawk.
December 1, 2009 - EU member state zawng zawngin an remtih hnuah Treaty of Lisbon hman ṭan a ni. Maastricht Treaty of 1992 leh Rome Treaty of 1957-a thlak.
October 12, 2012 - EU ramte chu remna leh muanna kawnga an hmalaknaah te, inremna te, mipui rorelna leh Europe-a mihringte dikna vawnhim kawnga an hmalaknate avangin Nobel peace prize hlan an ni.
July 1, 2013 - Croatia chuan European Union ram 28 na ni turin an zawm.
April 1, 2014 - EU chuan Central African Republic-a remna leh muanna a awm theihnan sipai an tir.
March 2015 - Iceland chu member ni thei tura candidate an nihna aṭangin an inhnukdawk.
March 18, 2016 - European Union leh Turkey-te chuan Syria raltlante buaipui dan tur inremna an ziak. Turkey aṭanga Germany-a raltlan lo lutte chu Turkey-ah thawnlet an ni. Syrian mi Greece aṭanga Turkey-a lo let chu European Union-ah an awm zui ang.
June 23, 2016 - United Kingdom chuan European Union chhuahsan turin thuthlukna an siam. An chhuahnan a lo berah kum hnih tal a ngai.
March 16, 2017 - Britain-in EU chhuahsan tuma an hmalakna chu Queen Elizabeth II-in pawmpuina a pe. Queen-in phalna a pek hnuah British Prime Minister Theresa May chuan Article 50 hmangin Downing Street leh EU inṭhenna tur a siam a, "Brexit" tia sawi zui a ni.
September 5, 2018 - European Union chuan Schengen Area huamchhunga lut tur tana 'visa' ngai loa an zin theihna, European Travel Information and Authorization System an duang.
January 31, 2020- Britain chuan European Union an chhuahsan fel ta a, EU ram zinga chhuahsan hmasa ber an ni.
December 24, 2020 - Hun rei tak buaina an tawh hnuah British sorkar chuan United Kingdom leh EU-in post-Brexit trade agreement an ziak tih thuchhuah an siam.