NDB member atan ram pathum ruat thar

New Development Bank (NDB) chuan September 2 khan United Arab Emirates, Uruguay leh Bangladesh ramte chu member thar atan a ruat.

BRICS-ah hian ram panga - Brazil, Russia, India, China leh South Africa te an awm a, heng ram panga thawkhote hian kum 2015 khan New Development Bank (NDB) hi an din a ni. Bank hian huang zauh tumin nikum khan hma an lo la ṭan tawh a, ram pathum an rawn awmbelh leh ta a ni.

NDB president Marcos Troyjo chuan ,"Member tharte hian NDB-ah infrastructure leh sustainable development chungchanga hmasawnna hnathawhah min pui thei dawn a ni. Bank membership hi a ṭul dan azirin zawimuang leh awmze nei tak siin kan zauh zel bawk ang," a ti.

New Development Bank
• New Development Bank, a hmaa BRICS Development Bank tia hriat ṭhin hian BRICS Tower Shanghai, China-ah hmunpui an nei a ni.

• Bank hian loan, guarantees, equity participation leh financial instrument hmangin public emaw private project emaw hnenah ṭanpuina an pe ṭhin.

• New Delhi-a summit an thlen ṭumin India chuan kum 2012-a BRICS summit vawi li naah he rawtna hi an lo thlen tawh a ni.

New Development Bank Member-te

• New Development Bank dintute chu Brazil, Russia, India, China leh South Africa-te an ni.

• Bank tum ber pakhat,general strategy chu an member tihlen a ni. Bank ṭhanlen zelna kawngah member tihlen hian kawng zau tak a hawn belh theih an beisei a ni.

• United Nations member zawng zawngte chu bank member an ni thei a, mahse BRICS nation ram zinga 55% bakin voting power an nei thei dawn lo a ni.

Bank thil tum
• Bank hian khawtlang hmasawnnan te, ram leilung siamṭhatna leh ram ei bar ngelnghet zawka neih theihna turin project hrang hrang an kalpui a ni.

Background

New Development Bank din hnuah member ram panga te hian tui, sanitation, transport, clean energy leh digital and social infrastructure project 80 dawn siamin, US dollar tluklehdingawn 30 hu inremna an ziak tawh a ni.