Taliban-in an hruaitu turte ruat fel thawkhat tawh

Afghanistan-a thuneitu, Taliban chuan sorkar thar an siam tura hruaitu turte an ruat fel thawhkhat tawh niin an sawi.

Taliban-te hian an ram aṭanga ramdang sipaite an chhuah felah sorkar thar hi an puang thuai dawn tih sawi mah se, ni eng emaw zat chu hruaitu turte hi an la ruatfel mai thei lo a ni. Mahse nimin khan sorkar hruaitu turte hi an tifel thawkhat tawh nia sawiin, Mullah Mohammad Hasan Akhund chu head of state-ah awmin, a deputy-ah Muallah Baradar Akhund leh Mullah Abdus Salam-te dah an ni ang.

Afghanistan-a thuneihna an chan hnuah Taliban aiawhte media-te dawrtu ber, Zabiullah Muajjahidin chu Mullah Mohammad Hasan Akhun thupuangtuah a awm bawk ang.

Siraj Judin Haqqani chu interior minister-ah dahin, ani hian governor turte pawh a nominate vek dawn nia sawi a ni bawk. Foreign ministry chu Mullah Ameer Khan Muttaqi-a'n a enkawl thung dawn a ni.