Sir Lanka Parliament-in state of emergency puan a remti

Sri Lanka Parliament chuan President Gotabaya Rajapaksa-a'n an ram chhunga ei tur man khuahkhirh leh chheprelh a nih tur venna atana state of emergency a puan chu a pawmpui.

Parliament-a state of emergency puan chungchang sawihonaah, eptu member-te chuan puang kher loin essential supply enkawlna tur hian dan hman tur a awm niin an sawi a, emergency rule chu hmansual theih a ni tiin a hnial thung. Mahse President-in August 30-a emergency a lo puan tawh chu House-ah hian a tlang ta tho a ni.

Emergency law hnuaiah hian thuneitute chuan warrant nei kher loin mi an hreng thei a, an thil neihte pawh laksakin, an in leh a chhehvel pawh an dapsak thei dawn a, dan hmanlai ṭhenkhat pawh tihtawp lailawkin thupek thar an tichhuak thei bawk ang. Heng thupek tichhuaktute chu thubuai siamsak theih an ni dawn lo bawk a ni. Hetianga thuneihna sang pek an nih avang hian eptu lam chuan an hmansual a hlauhawm thu an sawi.

Mahse rorellai party­member-te chuan kawng dang thlan tur an neih loh avangin emergency hi puan mai a ngai a, he dan hi sorkarin eptute lam beihna atana hman a tum lo tih an sawi a ni.