Israel sipaiten Gaza-a Hamas ho hmun kap

Israeli sipaite chuan Gaza Strip aṭanga Israel lamah balloon alh chhuah a nih leh chu chhang letin, Gaza Strip-a Hamas military site chu nimin zing khan thlawhtheihna hmangin an kap tih a sawi.

Fighter jet hmangin Gaza chhim lam, Khan Yunis-a Hamas rocket manufacturing workshop leh military compound chu an kap tih Israel sipai thuchhuah chuan a tarlang. Hamas military compound an beihah Israel beihna atana tunnel an siamna, cement factory pawh a awm tih an sawi a, civil chenna bial bul lawk, mosque leh water treament site bula awm a ni, an ti.

Thawhṭanni kha Gaza-a Islamic Jihad thlawptute chuan kawng zawhin, tun hnaia Israel jail aṭanga tlanchhuak, Palestinian mi paruk an thlawpna a lantir a, balloon alh lai eng emaw zat chu Israel ram lamah an chhuah. Hei hi Israel sipaite chuan chhangletin, Hamas ho hmun chu nimin zing khan an bei zui ve ta nghal a ni.