Egypt President thar tur thlang

Egypt President thar tur thlangin nimin aṭang khan Egypt mipuite chuan vote an thlak. Vote thlak hun hi ni thum chhung hawn a ni ang.

Inthlanah hian president ṭanglai Abdul Fattah al-Sisi chu tling leh ngei tura ngaih sa a ni. President candidate dang zinga a tam zawk chu an inhnukdawk a, al-Sisi tih loh candidate dang awm chu centrist politician Mousa Mostafa Mousa chauh a ni. Mahse Mousa pawh hi al-Sisi thlawptu zinga mi a ni.

Mi maktaduai 84 awmna, Egypt hi Arab ram lian ber niin, Middle Eastern politics-ah pawh a dinhmun a pawimawh hle a ni.

A tirah chuan President chuh tum hi mi pasarih an awm a, mahse human rights lawyer Khalid Ali leh Prime Minister hlui Ahmad Shafiq te chuan an dinhmun a derthawn phah nia sawiin an inhnuk dawn a, Egypt army chief of staff hlui Sami Anan pawh president chuh a tum thu a sawi hnuah man a ni zui bawk.

President ṭanglai Sisi hi kum 2013-a sipai chakna hmanga Mohammed Morsi paihthlak a nih hnuah Egypt ram hotu-ah a awm zui a, kum 2014-a president inthlan neihah khan hneh takin thlan tlin a ni.