US in Pakistan firm 7 a hrek

United States chuan Pakistan firm pasarih chu nuclear sumdawnna lama inhnamhnawiha puhin a hrek. Heng firm-te hi US tan an hlauhawm thei dawn niin a sawi.

US Bureau of Industry and Security-in an ram himna tiderthawng thei nia sawia firm a hrek thar hi an vaiin 23 an ni a, an zingah hian South Sudan firm 15 leh Singapoe firm pakhat an tel bawk. Pakistan firm pasarih a hrek thar zinga pathum chu US foreign policy dodal zawnga thilti niin a puh a, pahnih chu nuclear ralthuam siamna tur supply ṭhin leh, pahnih dang chu firm dangte tana hma latuah a puh bawk a ni. US-in a hrek Pakistan firm-te hi Karachi, Lahore leh Islamabad-a awmte an ni.