Russia-a mall kangah mi 37 kang hlum

Russia rama Siberian khawpui, Kemerovo-ah Pathianni tlai khan Winter Cherry mall-ah kangmei a chhuak a, he kangmei chhuakah hian mi 37 an thi. Thi zinga pakua chu naupang an ni.

Kemerovo hi industrial city niin, Moscow khawchhak lam km 3,600-a hlaa awm a ni.

Winter Cherry Mall hi kum 2013-a hawn kha a ni a, mall chhungah hian cinema hall, zoo, children's centre leh bowling alley-te a awm bawk. Russian Ministry fo Emergency Situations chuan kangmei chhuah chhan hi hriat chian a la nih loh thu leh, chhui mek a nih thu a sawi. Kangmei hi a chhawng chung ber aṭanga chhuak a ni.