Russia-in mall kanga thite ni thum chhung sun dawn

Russia-a Kemerovo bial chuan Pathianni tlaia shopping mall kang vanga thi, mi 64-te chu nimin aṭang khan ni thum chhung sunna hun hman a ni dawn tih a sawi.

Regional admistration-in thuchhuah siamin, Kemerovo bial pumah mall kanga thite hi March 27-29 chhung sun an ni dawn tih a sawi a, hemi chhung hian Russian Federation flag leh Kemerovo region flag-te chu a ngul chanve-ah zar a ni ang. Zirna in, pawl, TV leh radio company-te pawh ni thum chhung hian intihhlimna lam chi huaihawt lo tura tih an ni.