Iraq-ah IS firfiak pali that

Iraqi security force leh Counter-Terrorism Service (CTS)-te chuan Thawhlehni khan an ram northern province khawpui Kirkuk-ah firfiak pali an that tih an sawi.

Kirkuk Operations Command commander Ali al-Fraiji chuan thuchhuah siamin hemi chungchang hi a puangzar a, Altun Kupri khaw bulah Islamic State (IS) pawla mi pali an that tih a sawi a ni.

IS-te hian Pathianni khan Kirkuk khawpuia police outpost chu beiin security member 13 an thah bakah paruk an hliam a, hemi hnu hian security force lam hian beihpui an thlak chhunzawm ta a ni.

Tunhnai thla eng emaw zat chhung chu IS hian Iraq hi an bei fo a, mi eng emaw zat an thih bakah hliam pawh an tam tawh hle.

Kum 2017-a IS firfiakte an hneh nia an puan hnu khan Iraq-ah hian IS hian pawikhawihna an la thlen fo tho a ni.