France President hlui eiruk thubuai ngaihtuah dawn

France President Nicolas Sarkozy-a eirua puhna thubuai chu ngaihtuah a ni dawn.

Sarkozy hi kum 2007 president thlan dawna a campaign laiin dik lo taka fund dawngah puh a ni a, hei bakah hian Libya ram hruaitu hlui Muammar Gaddafi hnena aṭangin sum dawnga puhna thubuai pawh a nei bawk.

Kum 2014 khan President hlui Sarkozy hian hetih laia France court sang ber, Court of Cassation-a senior magistrate Azibert biain, sum dawnga puh a nih chungchanga information-te a hrilh a nih chuan a thiltihtheihna hmangin Monaco-ah post pawimawh tak pekah a thlem a ni. Sarkozy hian hming lem, Paul Bismuth tih a hmang a, mahse an inbiakna hi police-te chuan an lo ngaihthla ru a ni.

Sarkozy bakah Azibert leh president hlui ukil zinga pakhat, Thierry Herzog-te pawh thubuai siamsak an ni. Herzog hi Sarkozy-a'n Azibert a biak pawh theih nana puiah puh a ni bawk.