Qatar foreign minister-in Afghanistan tlawh

Qatar foreign minister Mohammed bin Abdulrahman Al Thani chuan Pathianni khan Afghanistan khawpui Kabul a tlawh a, Taliban sorkar thara Prime Minister Mullah Mohammad Hassan Akhund nen an inhmu a ni.

Pathianni vek khan President hlui Hamid Karzai leh National Reconciliation Council hotu Abdullah Abdullah nen inkawmin, Afghan-a party te leh pawl hrang hrangte chu ram inpumkhatna tura inlungrual turin a chah.

United States sipaiten Afghanistan an chhuahsan hnua ram hruaitu lu, highest-level in Afghanistan a tlawhna hmasa ber a ni. Al Thani hian sorkar thara foreign minister leh a deputy bakah, official ṭhahnem tak a hmu bawk a ni. Ram chhung politics dinhmun bakah

Qatar-in Afghan mipuite ṭanpui tura an hmalaknate an sawiho a ni. Qatar hi Taliban kaihruai thei tura ngaih ram tlemte zinga mi an ni. Taliban-ten thuneihna an chan hnua Afghanistan aṭanga US bakah khawthlang ram dangten an mi leh sate leh Afghan mite an lakchhuah theihna tur pawh a pawimawhin a thawhhlawk hle a ni.