Russia-in World Cup an thlen tur dan tumah UK leh US puh

Russia Foreign Ministry thupuangtu, Maria Zakharova chuan an ramin kumin June thlaa FIFA World Cup an thlen tur chu lo dan tumah UK leh US a puh.

Russia TV channel pakhatin a kawmnaah, Zakharova-i chuan UK leh US thil tum ber chu Russia-a World Cup khelh tir loh a ni, a ti.

England-a Russian spy hlui Sergei Skripal leh a fanu te tur hmanga beih an nihnaah, Britain chuan Russia sorkar a inrawlh niin a sawi a, hei vang hian Russia-in World Cup a thlen turah pawh hian Britain Lal chhungkua pawh an kal dawn lo tih a sawi tawh a ni.

UK Foreign Secretary Boris Johnson chuan Russia-a World Cup neih tur chu kum 1936-a Nazi Germany te awpna hnuaia Olympic Games neih nen a tehkhin a, British eptu MP pakhat chuan World Cup neih tur hi sawn hlat emaw, a neihna tur hmun sawn emaw a rawt bawk. Mahse England team chuan World Cup hi an boycott dawn lo nia sawi a ni.