UN Chief-in ram hrang hrangte thawkho turin a ngen

United Nations Secretary-General Antonio Guterres chuan khawvela mihring hriselna dinhmun chawikan a nih theihnan leh retheihna titlem a, intluktlanna a awm theihnan ram hrang hrangte chu thawkho turin a ngen

"Retheihna tihtlem a, hriselna kawnga harsatna kan tawhte tihreh a, intluk tlanna a awm theihna atan leh boruak inthlak chak lutuk veng turin khawvel ramte chuan inpawhna thuk zawk kan mamawh a ni," tiin UN Day for South-South Cooperation hmannaah a sawi.

"Covid-19 hripui leng hi khawvelin kan hmachhawn lian ber a ni a, vantlang nunhona te, eibar zawnna te leh leilung hausakna pawimawh zia min hriatnawn tir leh a ni. Heng hun harsa tak karah hian, ram ṭhanglaite tana thawhhona pawimawhna min zirtir a ni," a ti.

"Hripui len chhung hian, Global South-a ramte chuan ngai kan awh leh theihnan an finna leh hmanruate an thawh a ni" tiin nundan phung pangngaia awm leh theihna tur te, hmeichiate leh ṭhalaite thuam chak a, khawvel ṭha zawk siam tura sulsutu ni turin a sawm.

South-South leh triangular cooperation chungchang sawiin, hengte hian kan harsatna sutkianna atan a pawimawh theih tur thu a sawi a, United Nations chuan hmasawnna ngelnghet a awm theihna atan South-South and Triangular Cooperation hmalaknate chu a thlawp chhunzawm zel tur thu a sawi bawk.

"Covid-19 dona tur leh kan dam chhuah lehna tur leh boruak inthlak danglam chak tak veng tura hma laknaah, South-South leh triangular cooperation chu a hma zawng aiin a pawimawh a ni" a ti.