Pop star concert-ah Kim Jong-un tel

North Korea ram hotu lu ber, Kim Jong-un chu an ram khawpui, Pyongyang-a South Korea K-pop star-ten concert an neihnaah a kal ve a, an show chuan a hneh hle tih pawh a sawi.

Kim Jong-un leh a nupui, singer hlui Ri Sol Ju-te hi K-pop concert-ah hian kalin, hei hi thil thleng khat tak a ni. North Korea hian South Korea pop culture hi a lo sawisel fo a, an rama lakluh tur pawh vengin, mipuite pawh inthiarfihlim turin a ti fo a ni.

North Korea ram hruaitu zingah Kim hi South entertainer-te show buatsaiha la tel awmchhun a ni a, show zawh hnuah K-pop star-te hi chibai bukin lawmthu pawh a hrilh niin North Korea official KCNA news agency chuan a tarlang.

NKorea tlawha kal, SKorea group hi member 120 an ni a, musical act 12 neiin dancer, technician leh martial artist-te an ni. Pathianni khan concert hi an nei a, vawiinah an nei leh bawk ang. Pathianni-a concert hi mi 1,500 len theihna, East Pyongyang Grand Theatre-ah neih a ni.