US, UK leh Australia-in security lama thawhhona tur siam

Australia, United States leh United Kingdom chuan security lama ram pathumte thawhhona tur, AUKUS siam anih thu Nilaini khan an puang.

Ram pathum hruaitute hian virtual hmangin AUKUS hi tlangzarhin, Australia sipaiten nuclear-powered submarines an neihna turin hma an la ho dawn tih an sawi bawk. Hei hi China laka a invenna tur nia ngaih a ni. Australia hi Treaty on the Non-Proliferation of Nuclear Weapons (NPT) siamah a tel a ni.

US President Joe Biden chuan ram pathumte thawhhona thuk zawk nei turin hmalakna pawimawh tak an siam tih a sawi a, Indo-Pacific-a boruank ṭha leh muanawm a awm ṭulthu a sawi bawk.

Hetih lai hian China foreign ministry thupuangtu Zhao Lijian chuan ram pathumte thawhhona siam chu thil ṭul lo tak niin a sawi a, he inremna siam hi Indo-Pacific biala boruak muanawm leh ṭha tak awm mek ngaih pawimawh lohna leh, ralthuam neih tam laka intlansiakna siamtu tur mai niin a sawi thung.