Egypt President atan hneh takin Sisi thlang tling

Egypt President thlanna result tihchhuaha President ṭanglai Abdel Fattah al-Sisi chu hneh taka thlan tlin a ni a, vote tla aṭangin 97% zet a hmu pha a ni.

President thlanna hi kar hmasa khan neih a ni a, vote a tla ṭha lo hle. Vote thla hi 41% vel chauh a ni a, Sisi bakah hian candidate dang pakhat chauh, amah thlawptu ni bawk Moussa Mostafa Moussa chauh a awm avangin chak tura rin kai sa a ni. Sisi-a khing thei tura bera ngaih chu man niin, a campaign manager pawh kut thlak a ni a, hemi hnu hian candiate dangte chu an inhnukdawk hlawm a ni.

Sisi chuan inthlanah hian candidate tam zawk awm se a duh thu a sawi a, eptu candidate-te an inhnuhdawh chung-changah inhnamhnawihna a neih loh thu a sawi.

Kum 2013 khan Sisi kaihhruai hian sipai chakna hmangin Egytp president Mohamed Mursi chu an paihthla a ni. Sisi hian thuneihna chelh zuiin, a hnua inthlan buatsaihah hneh taka thlan a ni.