Nepal-in ramri ven nan drone hmang dawn

Nepal chuan India nena an inri-na chu veng turin drone a hmang ṭhin dawn niin Home Minister Ram Bahadur Thapa chuan a sawi.

Minister chuan India nena an inri-naah hian India ram chinah chuan kilometer tinah security post a awm a, Nepal lamah erawh chuan km 25 kar danah post siam a ni,a ti. Hei vang hian home ministry chuan ramri venna tur hian kaihhruaina thar siamin, drone hi a hmang tawh dawn niin a sawi. Thapa chuan mihring an indaih tawk loh vanga drone hi hmang tur an nih thu a sawi bawk. Nepal leh India inri-na hi km 17,000 chuang zet thui a ni.