Bangladesh hruaitu hlui hriselna ṭha lo

Bangalesh eptu pawl, Bangladesh Nationalist Party (BNP) hruaitu jail-a tang mek, Khaleda Zia-i chu a hriselna a ṭha lo hle a, ruh lam natna a neih avangin kal ṭha thei lo niin doctor-ten an sawi.

Prime Minister hlui kum 72 mi, Khaleda Zia-i hi eiruk thubuaia thiam loh chantir a nih avangin kumin February thla khan jail-ah tantir a ni a, kum nga tang tura hrem a ni.

Zia-i hi Dhaka-a sorkar hospital-a doctor pali awmna team-in an enkawl mek a ni. Zia-i thlawptute chuan Zia-i mimal doctor chu a tanna hmuna a tlawh phalsak turin an ngen a, mahse he ngenna hi sorkar chuan a la chhang lo.

BNP thupuangtu Rizvi Ahmed chuan sorkar chuan an party hotu chu a rilru thlenga tihbuai tumin a bei a, hei hian a hriselna lamah pawh nghawng a nei ta niin a sawi. Tan-ina Zia-i thlawhtu, Dhaka Medical College Hospital orthopaedic specialist Mohammad Shamsuzzaman chuan Zia-hi ngaihtuahawm lutuk a ni lo tih a sawi a, mahse tan-in chhungah a ruh na chu a zual phah niin a sawi. Zia-i hi a kut leh ke ruh a na a, puitu nei lo chuan meter 50 pawh a kal hlei thei lo tih a sawi.