China-in Pakistan tan satellite kapchhuak dawn

China chuan June thla hian Pakistan tan remote sensing satellite pahniha kapchhuak dawn niin China Academy of Launch Vehicle Technology (CALVT) chuan a sawi.

Heng satellite-te hi Long March-2C rocket hmanga kahchhuah an ni ang a, China-France Oceanography Satellite a phur tel dawn a ni. Satellite hi tuifinriat thli leh tuifawn zirna atan hman a ni ang.

China hian kum 2011 khan Pakistan communication satellite PAKSAT-1R a lo kapchhuak tawh bawk. Kum 2016 khan ram pahnihte hian China-Pakistan Economic Corridor (CPEC) project dollar tluklehdingawn 50 man hmasawnna dan enfiah leh zirchianna atana kumin special remote sensing satellite kapchhuak tur hian inremna an lo siam tawh a ni.