Phillipines-in tourist island a khar dawn

Philippines sorkar chuan an rama khualzinte hmun tlawh ṭhin lar tak, Boracay thliarkar chu thla ruk chhung atan a khar dawn.

President Rodrigo Duterte-a thupuangtu chuan he thliarkar hi April 26 aṭangin khualzinte tlawh theih loh tura khar a ni dawn tih a sawi. Khar a nih chhan hi thiarkar-a tuipui kamte a chhiat nasat vang nia sawi a ni.

Boracay thliarkar tuipui kamte hi a nawm avangin tlawhtu an tam thei hle a, nikum chhung khan he thliarkar tlawhtu khualzin hi maktaduai hnih dawn an tling a ni. He hmunah hian tourisim kaihhnawih sumdawnna 500 vel zet a awm a, nikum chhunga an sum lakluh chu dollar tluklehdingawn 1.07 zet a tling. Sorkar chuan thliarkar khar vangin a nghawng company-te chu sum lama puihna pek an nih tur thu a sawi.