UN-in terrorist list thar tichhuak

United Nations chuan terrorist list a siamthar chu a tichhuak a, list-a tel zinga a tam zawk chu Pakistan firfiak pawl leh Pakistan nena inzawmna nei an ni.

UN list siam tharah hian Pakistan nena inzawmna nei, mimal leh pawl 139 zet an tel. Al-Qaida hotu Ayman al-Zawahiri, India in man tuma a zawn mek Daawood Ibrahim, LeT hotu Hafiz Saeed te pawh an tel a, hei bakah hian Al Rasheed Trust, Harkatul Mujahideen, Islamic Movement of Uzbekistan, Wafa Humanitarian Organisation, JeM, Rabita Trust, Ummah Tameer-i-Nau, Afghan Support Committee, Revival of Islamic Heritage Society, Lashkar-i-Jhangvi, Al-Harmain Foundation, Islamic Jihad Group, Al Akhtar Trust International, Harkatul Jihad Islami, Tehreek-i-Taliban Pakistan, Jamaatul Ahrar leh Khatiba Imam Al-Bukhari pawl te pawh an lang bawk.