Turkey university-ah mi pali kaphlum

Turkey hmar thlang lam, Eskishehir khuaa Osmangazi University-ah Ningani khan mi pakhatin silai a hmehpuak a, university staff pali a kaphlum. Pawikhawihtu hi police-ten an man a ni.

Univeristy-a silai hmetpuaktu hi research fellow a ni a, a kahhlumte hi deputy dean, faculty secretary leh lecturer pahnih an ni. Mi dang pathumin hliam an tuar bawk. Silai a hmehpuah chhan hi hriat a la ni lo a, police-ten thu an zawtfiah mek a ni.

University rector Hasan Gonen chuan pawikhawihtu hi a hma pawhin rilru lama harsatna nei nia hriat a nih thu sawiin, staff-te pawh ṭawngkam na tak takin a lo hau tawh ṭhin a ni, a ti. Report ṭhenkhat chuan pawikhawihtu hian kum 2016-a sipai chakna hmanga Turkey sorkar paihthlak tuma beitu zingah a ṭhiante chu puhin a lo ti lungawi lo hlawm tawh nia sawi a ni bawk.