Afghanistan-a bomb puakah mi 7 an thi

Afganistan khawpui, Kabul leh khawchhak lama Jalahabad khuaah kar liam ta Inrinni khan bomb a puak a, mi pasarih an thi a, mi dang 30 velin hliam an tuar tih Taliban sorkar chuan a sawi.

Khawpui pahniha bomb tipuaktute hi ISIL-K te nia an hriat thu sawiin, Taliban-te chuan he thil thleng hi chhuiin, pawikhawihna thlentute chu hrem ngei an ni dawn tih an sawi. Thu zawhfiah turin mi eng emaw zat an man tawh bawk.

Official chuan Jalalabad-a bomb puak hi Taliban motor beihna atana tihpuah a nih thu an sawi a, hliam tuar zingah hian hmeichhia leh naupangte pawh an tel a ni.