Russia-ah NKorea Foreign Minister a zin

North Korea Foreign Minister Ri Yong Ho chu nimin khan Russia-ah a zin a, Moscow-ah Russia foreign minister Sergei Lavrov nen inkawmin, ram pahnihte inlaichinna ṭha zawk siam dan turte an sawidun.

North Korea hian tun hnaiah a ṭhenawm ramte nena inlaichinna ṭha siam tumin hma a la chho a, an ram hotu Kim Jong Un leh South Korea leh US president-te pawhin nuclear summit neih an tum a ni.

Kar hmasa khan Ri hian China tlawhin, China hruaitute chu a lo kawm tawh bawk a ni.

Nimina Ri leh Lavrov-te inkawmnaah hian Korean peninsula boruak ṭha siam dan turte pawh an sawi dun niin Russia foriegn ministry chuan a sawi a, inbiakna hlawhtling tak an neih beisei a ni tih a tarlang.

North Korea minister level-in Russia a tlawh hnuhnun ber chu nikum September thla kha a ni a, external economic relations minister-in Vladivostok a tlawh a ni. Kum 2015-a Moscow-a Indopui II-na tawpna champha vawi 70 lawmna neihah khan Kim Jong-un chu tel tura beisei a ni a, mahse tepter takin a zin tur hi a ṭhulh leh a ni.

Russia ramah hian hian North Korea mi hnathawka awm mi 35,000 vel an awm a, heng mite hi agriculture leh construction lama thawk an ni. Hnathawka awmte dinhmun hi a ṭha lo hle niin nikum December th lakhan US Secretary of State hlui Rex Tillerson chuan UN pawh a lo hrilh tawh a ni.