France-in UK Defence Minister nena meeting neih tur ṭhulh

France sorkar chuan US, UK leh Australia ramten security lama thawhhonna tur, AUKUS an siam avanga lungawi loa US leh Australia-a an ram palaite a koh haw hnuah, UK Defence Minister nen meeting an neih tur pawh a ṭhulh leh.

Tunkar hian France defence minister Florence Parly leh Britain defence minister Ben Wallace-te chu London-a meeting nei tur an ni a, mahse nimin khan France defence ministry chuan meeting hi neih a ni dawn lo tih a sawi.

Ram pathumten thawhhona an siam hnuaiah hian US leh UK chuan Australia-in submarine a neihna turin hma an lakpui dawn a ni. Hei vang hian Australia chuan kum 2016-a France hnen aṭanga submarine, USD tlk 40 hu lei tur inremna a lo ziahpui tawh chu a sut a, hei hian France hi a ti thinur hle.