Russia University-ah inpawng kahna thleng

Russia khawpui, Moscow khawchhak lam km 1,300 vela hlaa, Prem Krai region-a Perm State University(PSU)-ah nimin khan mi pakhatin silai a pawng kah a, mi pariat an thi a, mi dang parukin hliam an tuar.

Silai keng mi pakhat, thawmhnaw duma inthuam leh helmet khum chu an ram huna chawhma dar 11 vel khan university-a building pakhatah lutin a silai hi a pawng kah a ni. Zirlai leh zirtirtute chu university auditorium-ah tlankhawmin an biru a, ṭhenkhat chu tukverh aṭangin an tlanchhuak bawk.

Russia official investigation committee chuan pawikhawihtu hi he university-a zirlai tho niin a sawi.