Group of Twenty (G20)

Group of Twenty (G20) hi intergovernmental forum niin, ram 19 leh European Union (EU) an tel. Global economy kaihhnawih thil hrang hrang bakah international financial stability, climate change mitigation leh sustainable development-te an buaipui a ni.

Member ramte chu - Argentina, Australia, Brazil, Canada, China, the European Union, France, Germany, India, Indonesia, Italy, Japan, Mexico, Russia, Saudi Arabia, South Africa, South Korea, Turkey, United Kingdom, leh United States an ni a, Spain chu permanent guest invitee a ni bawk.

G20 hi khawvela economy lian ramte leh, industrialized leh developing nation-te an ni. An pawl hian gross weld product (GWP) aṭanga 90% vel, interational trade-a 75-80% huamin, khawvel mipui hmun thuma ṭhena hmun hnih an huam. An pawl ram chin hi khawvel land area zahve vel a tling bawk.

Ram hrang hrangte economy dinhmun tlakchhiat avangin hma la turin kum 1999 khan G20 hi din a ni. Kum 2008 aṭang khan he group hian kum khatah summitt vawi khat tal a buatsaih a, member ram sorkar hotu lu ber, finance minister, foreign minister leh high-ranking official dangte telin, EU aiawhin European Commission leh European Central Bank an tel bawk ṭhin. Summit-ah hian member ni lo ram dangte bakah international organisation leh non-governmental organisation-te pawh sawm tel an ni ṭhin. Hetih lai hian summit neihnaah hian anti-globilization group chuan dodalna an lo lantir ve fo bawk.

Organisation
G20 hi permament secretariat leh staff awm loa kal a ni. Group chair nihna hi kumtinin member ramte an inchelh chhawk ṭhin a, regional group hrang hrangin an inchelh chhawk ṭhin. Chair ni lai chuan a term chhungin temporary secretariat a din a, hei hian an hnathawk leh meeting-te a lo buaipui a ni. Tunah Italy chuan chair nihna hi a chelh mek a ni.

G20 summit hi kumin October 30-31 hian Rome, Italy-ah neih a ni dawn a; 2022, 2023 leh 2024 summit-te chu Indonesia, India leh Brazil-ah neih an ni ang.

Kum 2020 Summit kha Saudia Arabia-a neih tur a ni a, mahse Covid-19 hri leng avangin hemi kum November 21-22 khan Saudi Arabia president-na hnuaia virtual hmanga neih a ni.

Spain chu member ni lo mah se permanent invitee a nih angin summit-ah hian sawm tel ziah a ni a, hei bakah hian ASEAN chairman ni lai, Africa ram pahnih (African Union chair nilai leh New Partnership for Africa's Development (NEPAD) aiawh sawm niin, president dinhmun chelh mek chuan an region chhunga ram dangte a sawm tel bawk ṭhin.

Kum 2010 aṭang khan summit bakah G20 ministerial-level meeting pawh buatsaih a ni ṭhin a, kum 2011 leh 2012 khan Agriculture ministerial meeting neiin, 2012 leh 2013-ah foreign minister meeting, 2012 leh 2014-ah trade minister meeting an nei. Kum 2010 aṭang hian kumtin employment ministerial meeting neih a ni zui bawk.