Japan lalṭhutthleng luahtu tur puang

Japan lal, Emperor Naruhito-a nau,  Prince Fumihito chu Tokyo-a hun hmannaah official-in lal ṭhuthleng luahtu tur atan puan a ni. 

Nikuma Japan lal a nihna aṭanga Akihito a ban hnu khan a fapa, tuna lal ni ta Emperor Nahurito chuan lal dinhmun hi a luah a ni. Mahse Emperor Naruhito hian fapa a nei lo a,an hnam danah a fanu hian lalṭhutthleng hi a luah theih dawn loh avangin amah thlaktu atan a nau hi puan a ni ta a ni. Fumihito hi a u aiin kum rukin a naupang.

Tokyo-a lalṭhuthleng luahtu tur puannaah hian lal chhungkua leh mi pawimawh 46 an tel a, Fumihito hnenah hian crown prince-ten an inhlanchhawn ṭhin ngunhnam hlan a ni. 

Japan Imperial Household dan hnuaiah mipa te chauhin lal dinhmun hi an luah thei a ni. Kum 2004 khan sorkar chuan he dan thlak danglam tur hian hma a la a, mahse Fumihito nupuiin fapa a neih leh tak avangin an hmalakna hi an chawlhsan leh rih a ni.