Dam loh vangin Court-ah SAfrica President hlui inlan thei lo

South Africa president hlui, Jacob Zuma chu eiruk thubuai a neih mekah, nimin khan Pietermaritzbur High Court-a inlan tur a ni a, mahse a dam loh avangin a inlan thei lo.

Jacob Zuma hi thuneihna a chan lai, kum 1990 chhoa arms deal kaihhnawihah eirua puhna thubuai 16 siamsak a ni. Mahse Zuma chuan an puhnate hi thu dik lo niin a pha thung a, politics lama a hmelmate beihna niin a sawi.

Kum 79 mi, SAfrica President hlui eiruk thubuai dangah insawifiah tura kohnaah a inlan duh loh vangin thla 15 tang tura hrem a lo ni tawh bawk. Mahse a dam loh avangin inenkawl turin chhuah lailawk tir mek a ni.