Italy-ah Catalan hruaitu Carles Puigdemont an man

Spain aṭanga Catalonia bial inlakhran duhtu, Catalonia president hlui Carles Puigdemont chu Italy-ah man a ni.

Kum 2017-a danpui kalha Catalonia independence referendum a huaihawt avangin Spain sorkar chuan sorkar laka hel tura midangte fuihpawrhah puhin manna tur thupek a tichhuak a ni. Hei vang hian Puigdemon hi Belgium ramah tlanchhiain a khawsa zui a ni.

Ningani khan Puigdemont hi Italy-a Catalan folklore festive hmanga a kal chu Italian border police-ten Alghero airport-ah a lo man a, nimin khan court-ah inlan tura tih a ni. Spain rama thawn dan tur pawh ngaihtuah rin a ni bawk.