Greece-ah ram kang vangin khaw pahniha chengte sawnchhuak

Greece khawthlang lam, Olympic Games chhuah ṭanna, Olympia bulah Pathianni khan ram a kang a, hei vang hian a bul thingthlang khaw pahniha chengte chu sawn chhuah an ni.

Ram kanna hmun hi Athens khaw chhimthlang lam, km 300 vela hlaah a ni. Thuneitute chuan kangmei chhuak hian kum 2,500 liamtaa Olympics neih hmasakna bera hmun chu hlauhthawnawmin awm lo mah se, thingtlang khaw pahniha chengte chu venthawn thilah sawn chhuah an ni tih Fire

Brigade thuchhuah chuan a tarlang. Kangṭhelhtute bakah tualchhung mi tam tak chuan ram kang hi an ṭhelh a, mahse thli a tleh tel avangin ṭhelh mih a har niin an sawi. Kangmei chhuah chhan hi hriatchian a la ni lo. Greece ramah hian nipui laiin temperature sang vangin ram a kang fo a, hal lui an awm fo bawk.