North Korea hotuin China palai hmu

North Korea ram hotu lu ber Kim Jong-un chuan an ram tlawhtu China palai, Song Tao chu Pathianni khan Pyongyang-ah a hmu.

Song Tao hi China-a rorellai, Communist Party International Department hotu a ni a, arts festival hmang tura North Korea-a art troup kal a ho a ni.

NKorea hotu Kim hian puangzar lawk loin thla hmasa khan China hi a lo tlawh tawh bawka, China

President Xi Jinping kawmin, ram pahnihte inkar siamṭhat dante an sawidun a ni. China hi NKorea ram ṭhianṭha ber ni mah se, tunhnaia NKorea-in ballistic missile leh nuclear weapon technology-te a siam avangin an inkar boruak hi a chhiat phah deuh a ni. Mahse Kim chuan President Xi nen meeting an neihnaah hian inremna ṭha tak an siam thu Song hi a hrilh a, Song pawhin Korean Peninsula-a boruak ṭha leh muanawm a awm theihna turin China chuan NKorea thawhpui zel a tum thu pawh a sawi a ni.