Israel-in Gaza tunnel thui ber tichhia

Israel sipaite chuan Gaza Strip aṭanga Israel luhna tura Palestinian firfiakte leiverh siam an tihchhiatsak.

Isarel Defence Minister Avigdor Lieberman-a chuan leiverh hmuhchhuah thar hi an leiverh hmuh chhuah tawh zinga thuk leh sei ber a nih thu a sawi.

Sipai thupuangtu Lt Col Jonathan Conricus chuan kum 2014 Gaza war lai aṭang khan Palestinian-te hian Israel rama luh ruknaturin lei an verh ṭan niin a sawi. Israel sipaite hian heng leiverh 30 chuang hi an tihchhiatsak tawh a ni.

Lt Col Jonathan Conricus chuan leiverh an hmuhchhuah thar hi Gaza Strip-a thuneihna changtu, Hamas firfiakte verh niin, Gaza hmarlama Jabaliya bialah hmuh a ni tih a sawi. Lei hi Nahal Oz lam hawiin Israel ram chhungah meter eng emaw zat verh hman a ni a, mahse a chhuahna tur an la verh thleng hman lo a ni. Leiverh hmuhchhuah hi Gaza ram chhunga kilohmeter eng emaw zat kaltir niin, Israel ram beih theihna turin leiverh dangte nen pawh inpawh tir a ni.