Myanmar President-in tang 8,500 a ngaidam

Myanmar President Win Myinth chuan Thawhlehni khan tang 8,500 chuang a ngaidam a, ngaihdam zingah hian politics vanga tang mi 36 chuang an tel.

President Myinth hian Myanmar kum thar ni, Thawhlehni khan tang ngaihdamna hi a tichhuak a ni. Tang ngaihdamte hi Myanmar ram mi 8,490 bakah ram dang mi 51 an ni. Tang ngaihdamte hi an hming puanzar ni lo mah se, President thupuangtu Zaw Thay chuan an zingah kum upa lam tawh te, hriselna ṭha tawk lo te leh ruihhlo zawrh vanga mante an tel thu a sawi.

Tang ngaihdam zinga 36 chu politics kaihhnawiha man an nih thu Assistance Association for Political Prisoners chuan a tarlang bawk.

President-in tang a ngaihdamte hi an ramchhung hmun hrang hranga an tanna hmun aṭangin chhuah an ni a, Yangon khaw daia Insein Prison aṭang chuan tang chhuah hi mi 300 chuang an awm a ni.