Barbara Bush-i dinhmun ṭha lo

US First Lady hlui, Baraba Bush-i chu a hriselna dinhmun a ṭha lo hle a, damdawi-ina inenkawl pawh duh tawh loin Houston-a an in lamah enkawl mek a ni. A natna tak erawh puanzar a ni lo.

Kum 92 mi, Barbara Bush-i hi US President hlui George HW Bush-a nupui niin, an fapa Geoge W Bush pawh president a lo ni tawh bawk. A pasal George HW Bush hi kum 93 a ni tawh a, a ni pawh a hriselna a ṭha tawh lo hle a, Parkinson's disease neiin, wheelchair a hmang tawh a ni. An nupa hian kum 73 an innei tawh. Barbara Bush-i hi hmeichhiate zinga a pasal leh a fapa US President atana lakluh an ni lai hmutu leh hmanpuitu awmchhun a ni.