China-in eiru leh enthlatute report-na tur website siam

China chuan mipuiten enthlatu leh eirute bakah, an ram himna tiderthawng thei zawnga che te an report theihna tur website a siam.

He website hi Mandarin leh English-a siam niin, enthlatu report-tute chu lawmman ṭha tak pek atiam bawk. Report-tute tan hian an hming dik tak emaw, hming tarlang kher lo emaw thehluh theih a ni a, mahse Ministry of State Security chuan hming dik tak ngei hmang turin an duh thu a sawi. Hemi rual hian thu dik lo leh dawt thu thehlut lo turin mipuite a chah nghal bawk. Kum 2015 khan China hian sorkar dodal zawnga chete report-na tur hotline a lo siam tawh bawk a ni.