Cuba hruaitu Fidel Castro thlaktu tur thlang

Cuba Parliament, National Assembly chuan Nilaini an ram President Fidel Castro-a thlaktu atan a thachhang dawltu, Miquel Diaz-Canel an thlang. Mahse Castro hi kum 2021 thleng Communist Party hotu a nih chhunzawm ang.

National Assembly chuan Fidel Castro-a thlaktu tur an thlan hi official-in a la puangchhuak lo a, puanchhuah a nih hunah Castro hian president dinmun hi a hlan nghal rin a ni. President aṭanga a ban hnuah pawh Castro hian sorkarah dinhmun pawimawh tak a luah chhunzawm zel rin a ni.

Cuba President thlaktu atana thlan Miquel Diaz-Canal hi kum 2013 khan Council of State-ah vice president atan ruat a ni a, mahse hriat lar a hlawh vak lo a, Castro-an a thachhang dawltu atana a hman hnuah hriat lar a ni chho ta a ni.

Kum 86 mi, Castro hian Cuba president hna hi kum 10 a chelh tawh a, chawlh a tum thu pawh a lo sawi fo tawh a, amah thlaktu atan Diaz-Canel hming hi a lo sawilang tawh ani.

Diaz-Canel hi kum 1960, April thlaah piang a ni a, electrical engineering zirin kum 20 chhoah politics a luhchilh a, Santa Clara-a Young Communist League member a ni. University-ah engineering zirtir chungin politics hi a khel chho a, kum 33 a nihin Young Communist League second secretary a ni.