Saudi Arabia-ah cinema hall hawng ta

Saudi Arabia chuan kum 40 dawn a khap hnuah Nilaini khan a vawikhana atan Riyadh-ah cinema hall a hawng leh ta.

Riyadh-a symphony concert hall chu cinema hall atan hian siam niin, Nilaini khan sawm bik, sorkar official, ramdang palai leh sumdawnna lama mi langsarte tan Marvel superhero movie 'Black Panther' chu chhuah a ni. Nimin aṭang khan mipuite en theih turin ticket zawrhchhuah nghal a ni bawk. AMC Entertainment Holdings chief executive operaton Adam Aron chuan Saudi Arabia-ah chuan movie theatre ṭha tak tak a awm chhoh dawn thu a sawi.

Saudi Crown Prince Mohammed bin Salam chuan an ram kalphung siamṭhat tumin hma a la mek a, kum hnih kalta chhung khan public concert khapna te, hmeichhiate motor khalh khapna leh mipa leh hmeichia inawm pawlh chungchanga khuahkhirhna siamte pawh a lo thlahdul tawh a ni. Saudi-ah hian Islamist kalfawrte nawrna avang kum 1980 chho khan cinema hall hi khap a ni. Mahse Prince Slaman hmalaknain hei hi titawp a ni ta a, thuneitute chuan kum 2030-ah an ramah cinema hall 350 vel siam hman an tum a ni.