Zimbabwe-in nawrh huaihawt nurse-te a ban

Zimbabwe sorkar chuan Thawhṭanni aṭanga hlawh pun phuta nawrh huaihawt, nurse 10,000 chuangte chu a ban.

Vice President Constantino Chiwenga chuan nurse-te hlawh tihpunna tur hian dollar maktaduai 17 pekchhuah a ni chungin an hna an la thawh chhunzawm duh lo niin a sawi. Nurse-te hian an hna an zawm duh loh avangin damlo tam tak dinhmun derthawngin an awm phah a, hei vang hian ban an ni ta niin a sawi a ni.

Tun hnaiah doctor-te pawhin an hlawh pun phutin nawrh an lo huaihawt tawh bawk a, President Emmerson Mnangagwa chuan doctor-te thil phut hi tihhlawhtlin a lo remtih sak tawh bawk.

Sipai hotu hlun, Gen Chiwenga chuan damlo te leh mi tam tak nunna chhanna turin sorkar chuan nawrh huaihawt nurse-te chu ban mai a rel ta tih a sawi. Nurse ban takte aiawh tur hian a thar bakah nurse pension tawhte pawh an chhawr nghal dawn tih a sawi bawk.