Kim Jong-un nupui First Lady title pe

North Korea ram hotu lu ber, Kim Jong Un chuan a nupui chu First Lady title a pe.

Kim Jong-un-a nupui, Ril Sol Ju hian a pasal hi official thilah a ṭawimawm fo a, mahse Kim-a nupui tih loh chuan nihna hran pek a ni ngai lo. Kar hmasa khan a pasal tel lo hian an ram tlawhtu, Chinese troupe-te lam entirnaah a kal a, hei hi a pasal tel loa vantlanga hmuhah a inlan vawikhatna a ni.

North Korea state media chuan Ri Sol Ju chungchang a report-naah 'respected First Lady' tiin a sawi a, hei hi kum 40 chuang hnua an ram hotunu chungchang an sawinaa he title an hman lehna hmasa ber a ni. A hma chuan Ri hi 'comrade' tiin an sawi ṭhin.

Ri chanchin hi hriat tur a tam lo hle a, zaithiam niin kum 29 a nia , Kim nen hian fa pathum an nei a, pakhat chu hmeichhia nia sawi a ni. Chhungkaw naran tak aṭanga seilian niin, a pa chu zirtirtu n ia sawi a ni bawk. China-ah music school kalin, kum 2005 khan South Korea-a internationl sport event neihah an ram aiawhte kal ṭumin cheerleader team zingah a tel a ni. Inchei thiam leh ngaina tak nia sawi a ni bawk.