Journalist-te chhuah turin Myanmar ngen

United States Ambassador-at-Large for International Religious Freedom Sam Brownback chuan Myanmar sorkar hnenah sipaiten Rakhine state-a Rohingya Muslim-te an beih chungchang cover-tu journalist mante chu chhuah turin Myanmar sorkar a ngen.

Sam Brownback hi Bangladesh-ah kalin, Myanmar ramri bul Cox Bazar-a Rohinya raltlante awmna hmun tlawhin, an dinhmunte a enfiah a ni. Hemi hnua Dhaka-a news conference a neihnaah, Brownback chuan Myanmar jail-a tang mek journalist-te chu chhuah tura a phut thu a sawi a, journalist-te hming erawh a sawilang lo.

Hetih lai hian nikum December thlaa man, Reuters journalist pahnih Wa Lone leh Kyaw Soe Oo te chu chhuah turin ram hrang hrangten Myanmar hi an nawr a, an zingah hian US pawh a tel. An thubuai tihtawp sak tur ngenna chu Myanmar judge chuan April 11 khan a lo hnawlsak tawh a, thuhretu dang koh chhunzawm an ni dawn tih a sawi. Thiam loh cantir an nih chuan kum 14 thleng lung-in tantir theih an ni ang.