Israel-in Palestinian MP Khalida Jarrar chhuah zalen
Israel chuan Palestinian political leh civil society hotu kum 58 mi Khalida Jarrar chu kum hnih dawn a tantir hnuah a chhuah zalen ta.
Pathianni chawhnu lam khan Israel thuneitute chuan Jarr hi Jenin khaw thlang lama Salem checkpoint-ah an chhuah a ni. Jarrar hi left-wing hruaitu leh tunhnaia ṭhiah tak, Palestinian Legislative Council (PLC) member hlui a ni.
Jarrar hi kum 2019, October 31 khan Ramallah-a a chenna inah Israel sipaiten an man a ni. Hemi hma hian thubuai siamsak lohin thla 20 chhung hren a lo ni tawh bawk. July thla khan Jarr fanu, kum 31 mi Suha chu Ramallah-ah a thi a, a fanu vuina inkhawma tel phalsak turin Palestinian mite chuan Israel chu ngen mah se an ngenna hi Israel lam chuan a hnawlsak a ni.
Pathiannia chhuah zalen a nih hnuah, Jarrar hi a fanu phumna, Ramallah thlanmualah hian a kal nghal a ni. He hmunah hian Popular Front for the Liberation of Palestine (PFLP) political party member ṭhahnem tak, Palestinian Prisoners Club hotute, Qadura Faris, Ramallah leh al-Bireh governor Leila Ghannam, leh Palestinian journalist ṭhnahnem tak ten an lo hmuak.
Israel military court-in dan loa ding pawla tela a puh vangin Jarrar hi man a ni. Israel hian pawl 400 chu dan pawnah a lo hnawl tawh a, heng zingah hian Palestinian political party zawng zawng an tel a, rorelna chelhlai Fatah party leh Palestine Liberation Organization (PLO) te chu 'terrorist group' ah a puang. Dan pawna a hnawl pawl member, Palestinian mi eng emaw zat chu a lo man fo tawh a ni.
Jarrar hi a ngaihdan tlang taka sawi ṭhin leh politics thila inhnamhnawihna thuk tak a neih avangin Israel hian a bitum a, kum ruk chhung chu Israel taninah lut leh chhuak reng rengin hun a hmang a ni. Kum 1988 aṭang khan Amman, Jordan-a medical treatment la tura kar thum chhung a zin chhuah bak chu Israel hian ram dangah a zin a khapsak a ni.
Jarrar hi kum 2016 khan PLC member atan thlan a ni a, International Criminal Court-a an hmalakna bawhzui turin, Palestinian National Committee-ah ruat a ni bawk.