Afghanistan : Taliban-in hmuihmul ziah khap
Afghanistan-a roreltu, Taliban-te chuan Helmand province-a hmuihmul ziah fai a khap a, hei hi Islamic law kalh a ni tiin, he dan bawhchhiate chu hrem an nih tur thu an sawi.
Hmuihmul ziah khap a nih chungchang hi he provine-a lu mettute hriattir an ni a, Helmand province bakah Afghanistan khawpui, Kabul-ah pawh lu mettu ṭhenkhatte pawhin he thupek hi an dawng tawh bawk.
Taliban officer-te chuan lu mettute chuan sam tan leh hmuihmul ziah chungchangah Sharia law an zawm tur a ni tiin an hriattir a, hei hi tumahin an sawisel tur a ni lo tih an sawi nghal bawk.
Taliban sorkar hmasa, kum 1996-2001 chhung khan Islamist pawl hian mipate chu hairstyle dangdai tak an neih a khap bakah, hmuihmul zuah vek turin a lo ti tawh bawk a ni.