Paraguay president thar atan Mario Abdo Benitez thlang

Paraguay president thar thlanna, Pathianni-a neih takah Conservative senator hlui Mario Abdo Benitez chu thlan tlin a ni.

Benitez hian amah hnaih bertu, liberal ṭangrual pawl candidate Efrain Alegre chu 4% chauhin a hneh a ni. Benitez a chak avang hian hun rei tak chhung Paraguay-a thuneihna changtu, Colorado Party chuan thuneihna a chang chhunzawm leh thei dawn a ni.

Kum 46 mi, Abdo Benitez chuan inthlan dawna a campaign-naah chhiah lak tihhniam leh, thlai thar tam zawk thawnchhuah a tiam a ni. Benitez hi military dictator hlui General Afredo Stroessner-a thawhpui hnai tak fapa a ni a, dictator hlui thlavang hi a hauh ṭhin avangin sawisel pawh a tawk fo ṭhin. Gen Stroessner hian kum 1954-1989 chhung khan ro a rel a, Latin America rama dictator hlauhawm ber zinga sawi a ni.