Saudi lal-in entertainment city hawng dawn

Saudi Arabia lal, King Salam chuan an ram khawpui Raiyadh chhim thlang lama Qiddiya-a kilometer 334 biala zaua ‘enterntainment city’ siam chu vawiin hian a hawng dawn.

Entertainment city hi Walt Disney el thei tura siam niin, high-end theme park, motor sport facilities leh safari park te pawh dah a ni. Qiddiya chief executive Michael Reininger chuan he project hian entertainment leh sector dangah foreign investor-te a hip luh ngei a beisei thu a sawi. He project siamna atana an sum sen zat erawh a tarlang lo.

He project hi “Vision 2030” reform programme chief architect, Crown Prince Mohammed bil Salman ngaihtuahnaa siam a ni a, oil aṭang ni loin thil dang aṭanga sum lakluh dan kawng ngaihtuahin project hrang hrang an siam mek a ni. February thla khan Saudi Arabia General Entertainment Authority (GEA) chuan kumin chhungin festival leh concert 5,000 chuang buatsaih a tum tih a sawi a, hei hi nikum a buatsaih aia a let zet tam a ni.