George HW Bush-a damdawi-inah dah

US President hlui George HW Bush chu a nupui, Barbara Bush-i vui liam a nih tuk, Pathianni khan blood infection a neih vangin Houston-a damdawi-inah dah luh a ni.

Kum 93 mi, George HW Bush hi Houston Methodist Hospital-ah dah a ni a, a thupuangtu chuan damdawi lam enkawlna ṭha tak a dawnsawn theih thu a sawi. Bush hi US president hlui zinga dam rei ber a ni a, kum 1989-1993 khan US president a ni.

A fapa George W Bush chu kum 2001-2009 khan US president a ni ve leh a, a fapa dang Jeb Bush pawh Florida Governor hlui niin, kum 2016-a US president thlanna neihah khan Republican candidate chuh mah se, a chak zo ta lo a ni. George HW Bush leh Barbara Bush-te hian kumin January thla khan an inneih champha vawi 73-na an lo hmang tawh a ni.