Indonesia-a oil khur kangah mi 10 thi

Indonesia rama Aceh province-a oil khur a kang a, mi 10 an ti a, mi dang 19 in hliam an tuar.

He thil thlenna hmun hi Aceh-a Aceh Timur district-a Pasir Putih khuaah a ni a, oil tam lutuk chu a khur aṭangin a luang chhuak a, he oil liam hi lak tumin a bul vela thingtlang khaw mi tam tak an kalkhawm niin national disaster management agency thupuangtu Sutopo Purwo chuan a sawi.

Oil bua ruh tuma mi tam tak an awm laiin Thawhlehni ni zing dar 1:30 vel khan kangmei hi a chhuak ta a ni. Purwo chuan hnathawktu pakhatin pipe a welding-na aṭangin kangmei hi a chhuak niin a sawi. Kangṭhelh motor eng emaw zat tirh nghal niin, darkar khat hnuah kangmei chhuak hi an ṭhelh mit a ni.